چینی وزیراعظم لی کیانگ 14 سے 17 اکتوبر تک پاکستان کا دورہ کریں گے۔ترجمان دفتر خارجہ ممتاز زہرہ بلوچ نے کہا ہے کہ چینی وزیراعظم وفد کے ہمراہ پاکستان پہنچیں گے، وہ وزیراعظم شہباز شریف سے بھی ملاقات کریں گے۔چینی وزیراعظم کے دورہ پاکستان میں وزرا اور اعلی حکام بھی ان کے ہمراہ ہوں گے۔ چینی وفد میں وزارت خارجہ، وزارت تجارت، نیشنل ڈویلپمنٹ ریفارم کمیشن کے نمائندے ہوں گے۔ترجمان کے مطابق چینی وفد میں چین کی بین الاقوامی ترقیاتی تعاون ایجنسی کے نمائندے بھی شامل ہوں گے۔وزیر اعظم شہباز شریف اور چینی وزیر اعظم پاک چین تعلقات کے تمام پہلوں پر تبادلہ خیال کریں گے۔ پاک چین رہنما علاقائی اور عالمی پیش رفت پر بھی بات کریں گے۔ترجمان دفتر خارجہ کے مطابق چینی وزیراعظم صدر آصف علی زرداری، پارلیمانی رہنماں اور پاکستان کی اعلی عسکری قیادت سے بھی ملاقاتیں کریں گے۔چینی وزیراعظم شنگھائی تعاون تنظیم کے سربراہی اجلاس میں بھی شرکت کریں گے۔
تبصرے (0)
اپنا تبصرہ لکھیں