سعودی ولی عہد کا بڑا اعلان ، پاکستانی قیدیوں کو رہا کرنے کا حکم

وزیر اعظم پاکستان میاں شہباز شریف کے دورہ سعودی عرب کے مو قع پر وزیر اعظم کیجانب سے درخواست پرسعودی ولی عہد محمد بن سلمان نے مسجد نبوی ﷺ میں ہنگامہ آرائی کےالزام میں قید تمام پاکستانیوں کو رہا کرنے کاحکم دے دیا۔
تفصیلات کے مطابق وزیراعظم شہباز شریف نے سعودی ولی عہد سے اپریل 2022 ء میں مسجد نبوی میں پاکستانی سرکاری وفد کیخلاف انتشار پھیلانے والے گرفتار پاکستانیوں کی رہائی کی درخواست کی تھی۔ وزیراعظم شہباز شریف نے شہزادہ محمد بن سلمان سے درگزر سے کام لینے کی درخواست کی تھی۔
وزیراعظم شہباز شریف نے سعودی ولی عہد سے اظہار تشکر کرتے ہوئے کہا اللہ تعالیٰ آپ کو اس کا اجر عطاء فرمائے۔
مدینہ منورہ کی عدالت نے تین پاکستانیوں کو 8 سال اور تین کو 6 سال قید کی سزا سنائی تھی۔ خواجہ لقمان، محمد افضل، غلام محمد کو 8 سال اور انس، ارشد اور محمد سلیم کو 6 سال قید کی سزا سنائی گئی تھی۔ ایک اور پاکستانی طاہر ملک کو بھی تین سال قید اور 10 ہزار ریال جرمانہ کیا گیا تھا۔