گھوٹکی، ڈاکوں کے ہاتھوں شہری اغوا، سکھر میں مغوی نے پہچان کر ڈاکو پکڑوا دیا

گھوٹکی کے علاقے کھمبڑا سے ڈاکوں نے شہری کو اغوا کر لیا، ڈاکو مغوی کے گھر سے طلائی زیورات بھی لے کر فرار ہو گئے۔
سینئر سپرنٹنڈنٹ آف پولیس (ایس ایس پی)کا کہنا ہے کہ 10 تھانوں کی نفری کا کچیمیں ٹارگیٹڈ آپریشن جاری ہے، لٹھانی، ماچھی میرانی گینگ کے ٹھکانوں کا محاصرہ کر لیا گیا۔
ایس ایس پی کا کہنا ہے کہ پولیس کی ڈاکوں کے ساتھ شدید فائرنگ جاری ہے، ڈاکوں کے 10 ٹھکانوں کو آگ لگا دی گئی ہے۔
دوسری جانب کچے کا مبینہ ڈاکو خریداری کے لیے سکھر آنے پر پکڑا گیا۔
پولیس کے مطابق 3 سال قبل اغوا ہونے والے ایک شہری نے ڈاکو کو پہچان کر پکڑ لیا اور ساتھیوں کے ساتھ مل کر اسے تشدد کا نشانہ بنایا اور پھر پولیس کے سپرد کر دیا۔
پولیس کے مطابق کچے کا ڈاکو خاتون اور ایک ساتھی کے ساتھ سِم خریدنے سکھر کی موبائل مارکیٹ پہنچا تھا۔ گفتگو کرتے ہوئے شہری نے بتایا کہ 3 سال پہلے خاتون کی آواز میں بات کر کے اسے جال میں پھنسایا گیا تھا، کئی ہفتے قید میں تشدد کیا اور 20 لاکھ روپے تاوان کے عوض چھوڑا تھا۔سکھر پولیس کا کہنا ہے کہ تینوں ملزمان سے تفتیش جاری ہے۔